Публикации » Пултарулăхĕ иксĕлми

06 мая 2011 г.

Чăваш чĕлхи эрни пулнă май иртнĕ эрнере Шупашкарти «Салют» культура çурчĕн керменĕнче «Тăван чĕлхене вĕрентес ыйтусем тата çитĕнекен ăрăва воспитани парас ĕçре этнопедагогика мелĕсемпе усă курасси» наукăпа практика конференцийĕ иртнĕ. Унта Вăрмар районĕнчи чăваш чĕлхипе тата тăван ен культурине вĕрентекенсен делегацийĕ те хутшăннă. Ачасене тивĕçлĕ воспитани парас ĕçре пысăк тăрăшулăх кăтартакан Н.А.Афанасьев ячĕллĕ Кĕлкешри вăтам шкулта тăван ен культурине вĕрентекен Светлана Васильевна Романована унта Г.Н.Волков академик фончĕ «Халăх педагогикине пысăк çитĕнÿ хывнăшăн» медальпе тата Чăваш наци конгресĕн президиумĕн Хисеп грамотипе наградăланă. Çак кунсенче Пĕтĕм Раççейре ирттернĕ ««Вĕрентÿ: малалла пăхни» методика хатĕрĕсен конкурсĕнче 3-мĕш вырăн йышăннă. Çавна май Светлана Васильевнана Анапа хулинче çулла иртекен педагогика форумĕнче шкул ĕçне хÿтĕлеме, малти вырăна çĕнсе илме ăнăçу сунмалли кăна юлать.