06 мая 2011 г.
текен ваттисен каларăшĕ паянхи кун та ял хуçалăх ĕçченĕсемшĕн, тепĕр майлă каласан пуриншĕн те пысăк пĕлтерĕшлĕ. «Урмарская» кайăк-кĕшĕк фабрики» акционерсен уçă обществин ĕçченĕсем çакна лайăх ăнланаççĕ, çавăнпа та çур акине кĕске вăхăтра тата пахалăхлă ирттерсе яма тăрăшаççĕ. Унăн директорĕ Н.Петров палăртнă тăрăх, пĕтĕмĕшле 2500 гектар çинче тĕш тырă, пăрçа йышши тата ытти культурăсем акса туса илеççĕ. Хальхи вăхăтра кĕрхи культурăсене минераллă удобренисемпе апатлантарма пурĕ 10 техника уя тухнă. Асăннă обществăн тĕп агрономĕпе Вячеслав Нарзаевпа уй-хирсенчи ĕç-хĕлпе паллашнă май механизаторсемпе тата сеяльщиксемпе курса калаçма тÿр килчĕ. Вĕсем Чулкас çывăхĕнчи арендăна илнĕ 65 гектар çĕр çинче ĕçлетчĕç. А.Клементьев, Д.Войков, Н.Петров, С.Николаев, Г.Судюков механизаторсем, А.Любимов, А.Федоров, В.Данилов, Д.Войков, М.Алексеев сеяльщиксем 65 гектар çинче кĕрхи культурăсене минераллă удобренисемпе апатлантарчĕç. Н.Якимов водитель минераллă удобренисемпе вăхăтра тивĕçтерсе тăчĕ.
Çурхи культурăсене 1200 гектар çинче акма палăртаççĕ вĕсем. Ăна валли элита тата суперэлита вăрлăхĕсем пурĕ 150 тонна туяннă. Акмалли лаптăксене сÿрелесе пĕтернĕ. Хальхи вăхăтра 200 гектар пĕрчĕллĕ культурăсем акнă. Çак ĕç малалла пырать.