22 апреля 2011 г.
Арапуçĕнчи çынсен пĕр ушкăнĕ каçхи вăхăтра Б. гражданина килĕнчен чĕнсе кăларнă та ялти машинăпа трактор паркне ертсе килнĕ. Çакăнти хуралçă будкинче ăна вăйлах хĕнесе пĕтернĕ. Çак ушкăнăн киревсĕр ĕçне РФ УК 116 статйинчи 2 пайĕн «а» пункчĕ тăрăх хакламалла.
Çавăн пекех Б.гражданина М. гражданин та вĕлеретĕп тесе хăратнă, пневматикăлла пистолетран 6 хутчен пенĕ. Çак хурал будкинчех С. гражданин та ăна хăрушă сăмахсемпе хăртнă, сĕтел çинчен апат-çимĕç çĕççине ярса илнĕ те мăйĕ патне илсе пынă.
Çынна вĕлермелли хăрушлăх кăларса тăратни РФ УК 119 статйин 1 пайĕ тăрăх преступлени шутланать.
Февралĕн 23-мĕшĕнче Арапуç ялĕнче пулса иртнĕ çак пулăм общественноçра пăлхану çуратрĕ, çынсем хăйсен пурнăçĕшĕн пăлханаççĕ, çак ĕç-пуç малалла мĕнле аталанасса кĕтеççĕ.