Публикации » Террора çул хупă пултăр

22 апреля 2011 г.

Правительство çуртĕнче Чăваш Республикин Антитеррор комиссийĕпе Оперативлă штабĕн пĕрлехи ларăвĕ иртнĕ. Кун йĕркипе килĕшÿллĕн Наци антитеррор комитечĕн 2009 çулхи декабрĕн 8-мĕшĕнчи «Терроризм хăрушсăрлăхĕнчен сыхланмалли профилактика тата çынсем йышлă пурăнакан вырăнсенче терроризмран хÿтĕленессине çирĕплетмелли хушма мерăсем çинчен» йышăнăвне мĕнле пурнăçланине, «Хăрушлăхсăр хула» аппарат-программа комплексне аталантарассине, Мăн кун тата май уйăхĕнчи уяв кунĕсен тапхăрне хатĕрленсе ирттернĕ вăхăтра хăрушсăрлăха тивĕçтерессине сÿтсе явнă. Куславкка тата Вăрмар районĕсенче антитеррор комиссийĕсем мĕнле ĕçлени çинчен çак муниципалитет пĕрлĕхĕсен администрацийĕсен пуçлăхĕсем каласа панă.