Публикации » Космос паттăрĕсене халалласа

19 апреля 2011 г.

Раççей космонавтикине халалласа районти Культура çурчĕн ĕçченĕсем Вăрмарти Г.Е.Егоров ячĕллĕ пĕрремĕш вăтам шкулти кĕçĕн классемпе «Хĕвеллĕ патшалăхра» ятпа урок-викторина ирттерчĕç. Унăн тĕп тĕллевĕ - ачасене истори, астрономи предмечĕсемпе паллаштарасси, логика тĕлĕшĕнчен шухăшлама вĕрентесси, пуплеве аталантарасси, тăван çĕршыва юратма вĕрентесси. Ачасене тĕнче уçлăхĕпе тĕплĕнрех паллашма «Космос тата истори» электронлă презентаци пулăшрĕ. Районти тĕп библиотека «Вĕçсĕр космос» ятпа йĕркеленĕ кĕнекесен выставки çамрăк ăрушăн усăллă пулчĕ. Вĕсем тĕнче уçлăхĕ, унта вĕçнĕ паллă космонавтсем çинчен çырнă кĕнекесемпе тĕплĕн паллашрĕç.