19 апреля 2011 г.
терĕ «Агро Чаки» хуçалăх пуçлăхĕ В.Иванов çур акине хатĕрленес ĕçсем мĕнлерех пынипе кăсăклансан. Чăнласах Аслăчаксем çур акине кĕске вăхăтра тата агротехника вĕрентĕвне тĕпе хурса ирттерсе яма хатĕрленнĕ. Ял хуçалăх техникине кĕрхи ĕçсем ирттернĕ хыççăнах юсаса ангара тирпейлесе вырнаçтарнă, апрель пуçламăшĕнчех техникăна тĕрĕслев витĕр кăларнă. Çунтармалли-сĕрмелли материалсем кÿрсе килесси пирки калаçса татăлнă. Механизаторсемпе водительсене ĕçлекен техника çумне çирĕплетнĕ.
Каласа хăвармалла: Аслăчаксем ял хуçалăх культурисене туса илес енĕпе ĕçлеççĕ. Кĕрхисене 1850 гектар çинче акса хăварнă, вĕсем йĕркеллех хĕл каçнă. Хуçалăх ĕçченĕсем кĕрхи культурăсене апатлантарма та хатĕр, уй-хир юртан тасаласса çеç кĕтеççĕ. Кăçал «Агро Чаки» хуçалăх çурхисене 2630 гектар çинче акма планланă. Иртнĕ эрнере çур акине ирттерме Тюмень облаçĕнчен «Красноуфимская-100», «Ирень» элитлă тулă 400 тонна, Кирово-Чепецк хулинчен 80 тонна минераллă удобрени кÿрсе килчĕç.
Эпир пынă вăхăтра хуçалăх ĕçченĕсем: Г.Никифоров, В.Степанов, А.Моисеев, Н.Васильев хĕрсех минераллă удобрени миххисене склада пушататчĕç.
Малашлăхĕсем анлă, тĕллевĕсем пысăк «Агро Чаки» хуçалăх ĕçченĕсен. Вĕсене пархатарлă та йывăр ĕçре ăнăçу сунмалли çеç юлать.