15 апреля 2011 г.
Алăка шаккарĕç. Уçатăп - Галина Николаевна Николаева вĕрентекен тăрать. Ун йĕри-тавра - 6-мĕш класра вĕренекенсен ушкăнĕ. «Сире пулăшма килтĕмĕр», - теççĕ. «Ман нимле ĕç те çук вĕт-ха», - тетĕп. «Юр хырса паратпăр», - терĕç. Пуçларĕç ман картишĕнчи юра тасатма. Юрĕ вара кăçал нумай тулса ларнă, картишĕнче хамран та çÿллĕрех. Вĕренекенсем хушшинче эп паллакан ачасем те пур. Катя Никифорова, Женя Иванова, Павел Пегей, Никита Сотников, Руслан Ларионов эпĕ шкулта ĕçленĕ чухне ман патне шахмат секцине çÿретчĕç, турнирсене те хутшăнатчĕç. Вĕсем шахматла выляма та, ĕçлеме те юратаççĕ. Анжела Иванова, Регина Григорьева, Карина Захарова та вĕсенчен юлмасăр ĕçлерĕç. Галина Николаевна та питĕ тăрăшрĕ. Нумай та вăхăт иртмерĕ - ман картиш ирĕкленсе кайрĕ. Тавтапуç сире, Галина Николаевна тата ман патне пырса ĕçленĕ ачасем! Ÿссен те çакăн пек ырă кăмăллă çынсем пулăр!