01 апреля 2011 г.
Паллă композитор В.Шаинский 85 çул тултарчĕ. Çак пулăма халалласа Ачасен Вăрмарти ÿнер шкулĕнчи фортепиано уйрăмĕнче «Кулă çутă кÿрет» музыкăллă-театраллă курав хатĕрлерĕмĕр. Пурте пĕлекен мультфильмсенчи Гена крокодил, Чебурашка, Шапокляк, Антошка районти пуçламăш классенче вĕренекенсене кăмăлтан савăнтарчĕç. Вăйă мелĕпе йĕркеленĕскере куракансем ăшшăн йышăнчĕç, юрăсене йĕркелÿçĕсемпе пĕрле юрларĕç, тупмалли юмахсен тупсăмĕсене тупрĕç. Мероприятие ăнăçлă йĕркелесе ирттерме О.Трифонова, С.Васильева, М.Чернова преподавательсемпе вĕсен вĕренекенĕсем М.Родзянова, К.Иванова, Е.Старкова, Т.Гаврилов активлă хутшăнчĕç.