29 марта 2011 г.
Вăрмар район прокуратури ЧР прокурорĕн 2009 çулхи ноябрĕн 3-мĕшĕнчи 89 номерлĕ «Прокуратура органĕсен общественноçа саккунсене ăнлантарса парас, право тĕлĕшĕнчен çутатас ĕçе йĕркелесе пырасси тата шута илесси çинчен» хушăвне пурнăçласа пырать. Çак хушăва пурнăçлас тĕллевпе район прокуратурин ĕçченĕсем анлă аудиторипе усă кураççĕ, право йĕркине хураллакан, вырăнти хăй тытăмлăх, патшалăх контролĕн органĕсен ĕçĕ саккун тĕлĕшĕнчен епле пурнăçланнине çутатаççĕ.
Аудиторипе çыхăнса ĕçлемелли мелсенчен пĕри вăл массăллă информаци хатĕрĕсенче «Ыйту-хурав» ярăм йĕркелесе яни. Районта пурăнакансен ыйтăвĕсем çине прокуратура ĕçченĕсем хаçат урлă хуравсем параççĕ. Прокуратура сĕнĕвĕпе вырăнти хаçатра çакăн йышши рубрикăна йĕркелесе янă та, унта саккуна ăнлантарса паракан материалсем пичетленнĕ. Ку ĕç граждансен социаллă прависене хÿтĕлес, вĕсене право пĕлĕвĕ парас тĕллевпе иртет. Район прокуратури çак ĕçе активизацилес тесе районта пурăнакансене «Хĕрлĕ ялав» хаçат редакцийĕпе активлăрах пулма, кунта право тĕлĕшĕнчен кăсăклантаракан ыйтусемпе пыма чĕнет. Ыйтусене прокуратурăра тишкерсе тухатпăр, хуравĕсене «Хĕрлĕ ялав» хаçатăн страницисенче тата сайтĕнче туллин паратпăр. Тел.: 2-17-55.