Публикации » Çынна пулăшакан чухăна юлмасть

25 марта 2011 г.

«Ачалăхшăн, ачалăх ячĕпе» ыр кăмăллăх марафонĕ республикăра çулталăк пуçламăшĕнче вăй илчĕ. Халĕ вăл сарăлсах пырать - тĕрлĕ предприятисемпе организацисенче, учрежденисенче, хуçалăхсенче ĕçлекенсем, уйрăм çынсем çак пархатарлă ĕçе тÿпе хываççĕ. Çак кунсенче районти «Хĕрлĕ ялав» хаçат редакцийĕн ĕçченĕсем те унăн пухмачне укçа хыврĕç. Çавăн пекех редакци коллективĕ Чăваш Республикин вăрçă, ĕç, Хĕç-пăшаллă вăйсен тата право хуралĕн органĕсен ветеранĕсен (пенсионерĕсен) общество организацийĕ А.Г.Николаев летчик-космонавтăн сумлă скульптура композицине хатĕрлесе вырнаçтарма халăхран укçа пуçтарма чĕнсе каланине ăша хывса районта чи малтан палăк тума кăтартнă счет çине нухрат куçарчĕç. Пурне те çакă ырă ĕçсене хутшăнма чĕнсе каласшăн.