Публикации » Пирĕн пикесем - чи хитрисем

25 марта 2011 г.

Районти Культура çуртĕнче «Вăрмар пики - 2011» конкурс иртнĕ. Унта тĕрлĕ ялсенчен пурĕ 6 хĕр-пике хутшăннă. Конкурс тĕллевĕ - çамрăк талантсене тупса палăртасси, чăваш халăхĕн йăли-йĕркисене, культурине упраса хăварасси, творчествăлла ÿсĕме палăртасси. Хĕр-пикесем кашниех пултаруллă та маттур пулчĕç. Жюри членĕсен пĕтĕмлетĕвĕ тăрăх «Вăрмар пики - 2011» ята Арина Григорьева (Вăрмар хула тăрăхĕ) тивĕçрĕ. «Вице-Вăрмар пики - 2011» Роза Васильева (Арапуç ял тăрăхĕ) пулса тăчĕ. «Хÿхĕм пике» - Татьяна Калягина (Пысăк Енккасси ял тăрăхĕ), «Çепĕç пике» - Ирина Степанова (Вăрмар хула тăрăхĕ), «Ăс пике» - Надежда Алексеева (Чулкас ял тăрăхĕ), «Куракансем кăмăлланă пике» - Надежда Николаева (Кĕтеснер ял тăрăхĕ) ятсене çĕнсе илчĕç. Финала тухнисене дипломсемпе тата укçан парса хавхалантарнă. «Вăрмар пики - 2011» ята тивĕçнĕ Арина Григорьева республикăри «Чăваш пики - 2011» конкурса хутшăнĕ.