25 марта 2011 г.
Иртнĕ эрнере Çĕнĕ Кинчерте Рудольф Петров афганеца асăнса йĕлтĕр ăмăртăвĕ пулни пирки хаçатра пĕлтернĕччĕ. Çакăн йышши мероприяти ырă йăлана кĕрсе çиччĕмĕш çул иртрĕ ĕнтĕ. Тутар Республикинчи, Куславкка, Сĕнтĕрвăрри, Вăрмар районĕсенчи, Шупашкар хулинчи спортсменсем çитрĕç Çĕнĕ Кинчер çĕрĕ çине. Чи пĕлтерĕшли вара кунти йĕлтĕр йĕрĕ çине РФ Патшалăх Думин Ют çĕршыв ĕçĕсен комитечĕн председателĕ К.Косачев тăни те пысăк пĕлтерĕшлĕ пулчĕ.
Старта чи малтан 1-3 класра вĕренекенсем тăчĕç, вĕсем йĕлтĕр йĕрне хăйсен аллине илни аван курăнчĕ. Хĕр ачасем хушшинче финиша пĕрремĕш Н.Кириллова, иккĕмĕш Е.Риманова, виççĕмĕш Т.Петрова çитрĕç. Арçын ачасенчен вара чи малтисем Д.Сотников, ун хыççăн Н.Крылов, унтан А.Крылов - Çĕнĕ Кинчерти пуçламăш шкулта вĕренекенсем пулчĕç.
4-5 класри арçын ачасем хушшинче ăмăртура финиша пĕрремĕш А.Герлов, иккĕмĕш В.Иванов (Энĕшпуç), виççĕмĕш А.Леонтьев (Чупай) çитрĕç. Хĕр ачасем хушшинче пĕрремĕш С.Павлова (Энĕшпуç), иккĕмĕш Т.Кузьмина (Кĕлкеш), виççĕмĕш И.Егорова (Пинер) дистанцие вĕçлерĕç.
6-7 класра вĕренекенсен те тупăшăвĕ интереслĕ иртрĕ. Хĕр ачасенчен пĕрремĕш С.Матвеева (Кĕлкеш), иккĕмĕш С.Александрова (Чупай), виççĕмĕш Н.Цырульникова (Пинер), арçын ачасенчен пĕрин хыççăн тепри Н.Артемьев (Чупай), иккĕмĕш Н.Ленский (Тикаш), виççĕмĕш В.Сергеев (Чупай) финиша çитрĕç.
Ăмăртура 8-11 класра вĕренекенсем те çивĕч тупăшрĕç. Кĕлкешри С.Данилова пĕрремĕш, Чупайĕнчи И.Долгова иккĕмĕш, Энĕшпуçĕнчи К.Ерастова виççĕмĕш пулнă. Чупайĕнчи М.Андреевпа А.Петров пĕрремĕшпе иккĕмĕш финиша çитрĕç, Мăнçырмари Е.Егоров – виççĕмĕш. 10-11 класра вĕренекенсенчен И.Ильин (Пысăк Енккассинчи вăтам шкул) пĕрремĕш, И.Дмитриевпа С.Иванов (Энĕшпуç) иккĕмĕшпе виççĕмĕш, хĕрсенчен пĕрремĕш Т.Пугачева (Чупай), иккĕмĕш – А.Петрова, виççĕмĕш В.Павлова (Энĕшпуç) пулчĕç.
18-29 çулхи арçынсем хушшинче А.Топтыгин (Чупай) çĕнтерÿçĕ ятне тивĕçрĕ, иккĕмĕш вырăна – А.Иванов (Чупай), виççĕмĕшне А.Алексеев (Энĕшпуç) тухрĕ.
Аслăрах ÿсĕмрисем хушшинче А.Белов, О.Мефодьев (Мăнçырма), А.Дмитриев (Чупай), Н.Павлов, Н.Михайлов, Н.Андреев (Вăрмар), Г.Боредский (Пинер), А.Смирнов (Пысăк Енккасси), Ю.Данилов (Кĕлкеш), В.Захаров (Тĕрлемес), В.Семенов (Мăнçырма), Н.Алексеев (Сĕнтĕрвăрри районĕ), А.Богданов (Куславкка), Н.Михайлов (Вăрмар), К.Иванов (Кивĕ Вăрмар) çĕнтерÿçĕсемпе призерсем шутне кĕчĕç.
40-59 çулхи хĕрарăмсем хушшинче финиша пĕрремĕш С.Орлова (Тĕрлемес) тата З.Маркова (Кивĕ Вăрмар), иккĕмĕш Т.Ковалева (Кунер, Куславкка районĕ) çитрĕç.
Чи ватă участник Хусан хулинчен килнĕ 81 çулхи А.Гайфуллина пулчĕ, вăл 70 çулхисем тата аслăраххисем хушшинче пĕрремĕш вырăна тухрĕ.
VIP-чупура пĕрремĕш вырăна РФ Патшалăх Думин депутачĕ К.Косачев, иккĕмĕшне – Вăрмар район администрацийĕн пуçлăхĕ К.Никитин йышăнчĕ, виççĕмĕш вырăна В.Армановпа (ăмăрту спонсорĕ) В.Андреев (Çĕнĕ Кинчерти шкул директорĕ) тухрĕç.
Ăмăртăва çÿллĕ шайра ирттерме В.Арманов тата П.Крылов спонсорсем пулăшрĕç. Пĕтĕмĕшле илсен, спорт мероприятийĕ чăн-чăн уяв пулса тăчĕ, пур участниксем те çĕкленÿллĕ кăмăл-туйăмпа юлчĕç. Çавăн пекех çак кун Рудольф Петров ячĕпе Асăну хăми вырнаçтарчĕç. Асăну хăми уçма Шупашкартан ятарласа республикăри афганец-ветерансен союзĕн председателĕ И.Кашаев ертсе пыракан ушкăн килсе çитни те ăмăрту ятне-сумне çĕклерĕ.