22 марта 2011 г.
Районти пĕрремĕш Спартакиада шучĕпе хĕрарăмсен тата арçынсен командисем хушшинче волейболла выляса район администрацийĕн пуçлăхĕн Кубокне çĕнсе илессишĕн учрежденисенче, предприятисемпе организацисенче, хула, ял тăрăхĕсенче вăй хуракансен командисем тупăшнă.
Çивĕч кĕрешÿре хĕрарăмсенчен пĕрремĕш вырăна район администрацийĕн команди çĕнсе илнĕ. Ĕçе вырнаçтаракан районти центр спортсменĕсем иккĕмĕш вырăнта. Хула, ял тăрăхĕсенчен Вăрмар хула тăрăхĕн команди пĕрремĕш, Аслă Чаксем иккĕмĕш пулнă.
Арçынсенчен пĕрремĕш вырăна районти пушар чаçĕн команди тивĕçнĕ. Хула, ял тăрăхĕсенчен малти призлă вырăнсене Вăрмар хула, Шăхаль тата Кĕтеснер ял тăрăхĕсен командисем йышăннă. «Çĕнтерме ăнтăлнăшăн» номинацире Арапуç ял тăрăхĕн команди çĕнтернĕ.
Çĕнтерÿçĕсене тата призерсене район администрацийĕн пуçлăхĕн грамотисемпе наградăланă, Кубоксемпе хаклă парнесем панă.