22 марта 2011 г.
Класра эпир пĕрмаях вăхăта усăллă ирттерме тăрăшатпăр. Кунсеренех класс ертÿçисемпе уроксем хыççăн хаçат-кĕнеке вулатпăр, мозаика тăватпăр, ребус-кроссвордсем шутлатпăр, статьясем çыратпăр, шашкăлла вылятпăр. Эпĕ хам класра физрук ĕçĕсене пурнăçлатăп та, ачасене те интереслентерме тăрăшатăп. Акă, класра шашка турнирĕ ирттертĕмĕр. Хĕрÿ иртнĕ вăл, никамăн та парăнас килмест-çке. Хĕр ачасем вара вăйлăрах пулчĕç пирĕн. Пĕрремĕш вырăна Таня Кузьмина тухрĕ, иккĕмĕшпе виççĕмĕш вырăнсене Таня Александровапа Вера Петрова пайларĕç. Класс ертÿçи вара пире грамотăсем парса хавхалантарчĕ. Малашне те час-часах интереслĕ мероприятисем ирттерме тăрăшатпăр. Мĕншĕн тесен çакă пире вĕренÿре аталанма пулăшать.