Публикации » Спорт туслă çыхăнăва çирĕплетет

22 марта 2011 г.

Çĕнĕ Кинчерти шкултан вĕренсе тухнă, Афганистанра интернационалла тивĕçе пурнăçласа пуçне хунă Рудольф Петрова асăнса иртнĕ шăмат кун йĕлтĕрçĕсен ăмăртăвĕ иртрĕ, паттăра халалласа шкул стени çине Асăну хăми вырнаçтарчĕç. Спорт уявне хамăр районти шкулсенче вĕренекен спортсменсемсĕр пуçне Тутар Республикинчен, Куславкка, Сĕнтĕрвăрри районĕсемпе Шупашкар хулинчен килнĕ йĕлтĕрçĕсем хутшăнчĕç. Ăмăрту пĕлтерĕшне Раççей Федерацийĕн Патшалăх Думин Ют çĕршыв ĕçĕсен комитечĕн председателĕ К.Косачев килсе çитни те хăпартрĕ. Константин Иосифович хăй те спортпа туслине палăртса йĕлтĕр çине тăчĕ. VIP ушкăнри спортсменсемпе тупăшса призерсен шутне кĕчĕ. Мускав хăни ăмăрту çÿллĕ шайра иртнине палăртрĕ.