Публикации » Лицензи срокран тухнă

11 марта 2011 г.

Район прокуратурин ĕçченĕсем Вăрмарти А.Ф.Федоров ячĕллĕ ачасемпе çамрăксен спорт шкулĕнче вĕрентÿ ĕçне ирĕк паракан лицензийĕн законодательствине еплерех пурнăçланине тĕрĕсленĕ. Спорт шкулĕ хушма вĕрентÿ программине реализацилет. Анчах та ирттернĕ тĕрĕслев çак вĕрентÿ учрежденийĕ хăй ĕçне лицензисĕр пурнăçланине тупса палăртнă. ЧР Вĕрентÿ министерстви панă лицензи 2010 çулхи августăн 15-мĕшĕнче срокран тухнă. Лицензи срокран тухни 6 уйăх ытла. Апла пулин те вĕрентÿ учрежденийĕн администрацийĕ лицензие çĕнĕрен йышăнас мерăсене йышăнман. Çитменлĕхсене пĕтерме район администрацийĕн пуçлăхĕн ячĕпе представлени тăратнă, вĕрентÿ учрежденийĕн администрацине ачасене хушма пĕлÿ пама ирĕк паракан лицензие 3 уйăх хушшинче «çĕнетме» район судне исклă заявлени панă.