Публикации » Вĕсен ĕçĕ курăмлă

15 февраля 2011 г.

Çĕнĕ Шулхан ялĕнче пурăнакан ĕç ветеранĕ София Николаевна Андреева хăйĕн çырăвĕнче Кĕтеснер ял тăрăхĕн администрацине урамсене юртан вăхăтра тасатса тăнăшăн ырăпа палăртать. «Кăçалхи январь уйăхĕнче пирĕн урама юр хупласа илсе сăрт туса лартрĕ. Икĕ енĕпе те тухса çÿреме май çук. Килти тараса типнине пула ирĕксĕрех урамри тараса патне шыв ăсма каймалла. Анчах унта йĕлтĕрпе кăна çитме пулать. Çавна май пирĕн çивĕч ыйтăва Кĕтеснер ял тăрăхĕн пуçлăхĕ Л.Федорова татса пама пултарчĕ. Вăл тăрăшнипе яла трактор килсе пысăк юр куписене салатса, тĕртсе хырчĕ, урамсенчи çулсене уçрĕ. Эпир, аслă ăрури çынсем, çакăн пек тимлĕх уйăрнăшăн питĕ кăмăллă. Ватлăх çулĕ пуснă май, хĕллехи вăхăтра тухса çÿреме пире пĕрре те ансат мар. Çулсене юртан тасатса тăнăшăн эпир чунтан савăнатпăр», - тесе пĕлтерет С.Андреева хăйĕн çырăвĕнче.