15 февраля 2011 г.
Теннис. Кĕтеснерти культура çуртĕнче Раççей космонавтикин çулне тата массăллă оборона уйăхлăхне халалласа теннис турнирĕ иртрĕ. Унта ялти çамрăксемпе яшсем хутшăнчĕç. 1-мĕш вырăна С.Ломоносов, 2-мĕшне А.Викторов, 3-мĕшне О.Пегеев тухрĕç. Çĕнтерÿçĕсене Культура çурчĕн директорĕ диплом тата парне парса чысларĕ. Вĕсем малалла районти турнира хутшăнма хатĕрленеççĕ.
Волейбол. Çавăн пекех ялти шкул спорт залĕнче волейболла выляссипе тупăшусем иртрĕç. Унта пурĕ 4 ушкăн (команда) хутшăнчĕ: çамрăксем, студентсем, шкул ачисемпе вĕрентекенсем тата ветерансем. 1-мĕш вырăна шкул ачисемпе вĕрентекенсен ушкăнĕ, 2-мĕш вырăна çамрăксем, 3-мĕшне студентсем тухрĕç. Ветерансем вара 4-мĕш вырăн йышăнчĕç. Çĕнтерÿçĕсене Кĕтеснер ял тăрăхĕн пуçлăхĕ Л.Федорова дипломсем тата укçан преми парса чысларĕ. Ветерансене спонсорсем парнесем парса хавхалантарчĕç.
Ун хыççăн çĕнтерÿçĕ команда Шăхаль ялĕнчи тупăшура хутшăнса 3-мĕш вырăн çĕнсе илчĕ.