15 февраля 2011 г.
Вăрмарти тавра пĕлÿ музейĕнче çĕнĕ курав уçăлчĕ. Ку хутĕнче пирĕн район çыннисене хăйĕн ĕçĕсемпе Раççей художникĕсен союзĕн членĕ Владимир Васильевич Абрамов паллаштарать.
Художник Шупашкарта пурăнать, амăшĕ унăн Кĕлкеш ялĕнчен тухнă. Çураласса Владимир Васильевич Курган облаçĕнче çуралнă.
Хăйĕн пурнăçне художество ĕçне халалланă.
1971-1975 çулсенче Шупашкарти художество, 1978-1983 çулсенче Мускаври С.Г.Строганов ячĕллĕ художествăпа промышленноç училищисенче (халĕ институт) вĕреннĕ. 1985-1994 çулсенче Чăваш патшалăх педагогика институтĕнче художествăпа графика факультетĕнче студентсене вĕрентнĕ. Курава В.Абрамов хăйĕн 46 картинине тăратнă, ытларах çут çанталăк пейзажĕсене сăнлама юратни курăнать вăл. Художникăн чуна тыткăнлакан ĕçĕсем чĕрĕлĕх тĕнчине илсе çитереççĕ. Картинăсемпе паллашма килĕр.