28 января 2011 г.
Республикăра паянхи куна 118 ярмăркка, ваккăн сутакан пасарсем тата суту-илÿ вырăнĕсем пур. Сутмалли вырăнсенчен 22,5 процентне ял хуçалăх таварĕ туса илекенсем йышăнаççĕ.
Республикăри сакăр районта ял хуçалăх таварĕпе суту тăвакансене вырăнсемпе тÿлевсĕрех тивĕçтернĕ. Вăрнар, Комсомольски, Шăмăршă районĕсенче хресчене хăйĕн продукцине сутма нимĕнле вырăн та çук. Улатăр районĕнче те ку енĕпе нимĕн те йĕркелемен. Пĕтĕмпе Чăваш Енре ял хуçалăх таварĕ туса кăларакансем валли 3646 вырăн уйăрнă. Ку енĕпе «Вăрмар пасарĕ» районти муниципаллă предприяти те ĕçлет.
Паянхи кун тĕлне уйрăм çынсене хăйсен хуçалăхĕсенче туса илекен продукцисене вырнаçтарма 12 суту-илÿ вырăнĕ уйăрнă.