28 января 2011 г.
Район прокуратури терроризмпа экстремизма хирĕç кĕрешмелли саккунсене пурнăçласси çине уйрăмах пысăк тимлĕх уйăрать. 35 номерлĕ Федераллă саккуна тата РФ Президенчĕн «Терроризма хирĕç туса ирттермелли мерăсем çинчен» Указа, ытти нормăпа право акчĕсене тĕпе хурса шалти ĕçсен пайĕн, Федераллă миграци службин управленийĕн районти территори пункчĕн, вырăнти хăй тытăмлăх органĕсен уйрăмах пĕлтерĕшлĕ объекчĕсен ĕçĕ-хĕлĕн тĕлĕшĕпе тĕрĕслÿсем ирттерет.
2010 çулта район прокуратури шалти ĕçсен, патшалăх пушар надзорĕн уйрăмĕпе пĕрле терроризма хирĕç мĕнле тăма пултарнине палăртассипе Вăрмарти тĕп больницăра, поселокри квартал котельнăйĕнче, «Вăрмар пасарĕ» МУПра, «Вăрмар районĕнчи çурт-йĕрпе коммуналлă хуçалăхăн ертсе пыракан компанийĕ» тулли мар яваплă обществăра тĕрĕслев ирттернĕ. Унсăр пуçне 2010 çулхи декабрь уйăхĕнче прокуратурăпа шалти ĕçсен пайĕ, патшалăхăн пушар надзорĕн уйрăмĕпе çак тĕлĕшпех «Нефтересурс» тулли мар яваплă обществăн 60-мĕш номерлĕ автозаправка станцине, «МРСК «Волги» АУОн «Чăвашэнерго» филиалĕн Кăнтăр производство уйрăмĕн Вăрмарти подстанцине тĕрĕсленĕ, пушар хăрушсăрлăхĕн требованийĕсене пурнăçламаннипе çыхăннă тĕслĕхсем тупнă.
Иртнĕ çул терроризмпа экстремизма хирĕç кĕрешмелли саккуна пăснă 5 тĕслĕх тупса палăртнă. Район прокуратури административлă йĕркене пăснăшăн 1 ĕç пуçарнă, саккун ыйтнине вăхăтра пурнăçа кĕртес тĕлĕшпе 2 представлени тăратнă. Должноçри пĕр çын административлă, тепĕр çын дисциплинарлă яваплăх тытнă.
Юлашки вăхăтра Мускавра пулса иртнĕ террор акчĕ те пире сыхă пулма хистет.