28 января 2011 г.
2010 çул тăршшĕпе район прокуратури «Патшалăх, муниципаллă контроль ирттернĕ чухне юридици сăпатĕнчи çынсен тата уйрăм çын предпринимательсен прависене хÿтĕлесси çинчен» Федераллă саккуна пурнăçласа тивĕçлĕ мерăсем йышăннă.
Юридици сăпатĕнчи çынсен тата уйрăм çын предпринимательсен ĕçĕ-хĕлне тĕрĕслес тĕллевпе патшалăх, муниципаллă контроль органĕсем прокуратура органĕсемпе пĕрле тĕрĕслев ирттерме палăртнă.
Роспотребнадзорăн Чăваш Республикинчи Управленийĕн Çĕрпÿ районĕнчи территори уйрăмĕпе район прокуратури пĕрле килĕшÿ туса Вăрмар поселокĕнчи универмагри «Надежда» тулли мар яваплă обществăра санитари правилисемпе нормативĕсене епле пурнăçланине тĕрĕсленĕ. Çакна ахаль туман. Лавккара температура режимĕ ытла пĕчĕк пулнине кура сутуçăсен сывлăхĕшĕн хăрушлăх тухса тăнă. Роспотребнадзорăн ЧР Управленийĕн Çĕрпÿ районĕнчи территори уйрăмĕн специалисчĕсем тĕрĕслев ирттернĕ май производство пÿлĕмĕсенчи гигиена ыйтăвĕсене пăхăнманнине, санитарипе эпидемиологи тĕлĕшĕнчен законодательствăна пăснине палăртнă. Çак çитменлĕхсене шута илсе должноçои пĕр çынна административлă явап тыттарма явăçтарчĕ.
Çавăн пекех Роспотребнадзорăн ЧР Управленийĕн Çĕрпÿ районĕнчи уйрăмĕ Вăрмар поселокĕнчи кафере обществăлла апатлану йĕркеленĕ Т.Семенова уйрăм çын предпринимателĕн ĕçĕ-хĕлĕпе интересленнĕ, тĕрĕслеме шут тытнă. Вăрмар район прокуратури вара хăй енчен çак кафере тĕрĕслев ирттерме сăлтав çуккине кура Роспотребнадзорăн уйрăмне хирĕçлев тăратнă. «Выльăх-чĕрлĕх тата ытти чĕрчунсен чирĕсемпе кĕрешес енĕпе ĕçлев тăратнă Вăрмарти ветеринари станцийĕ» патшалăх учрежденийĕ район прокуратурипе пĕрле килĕшÿ туса «Арабоси» агрофирма» тулли мар яваплă обществăра тĕрĕслев ирттернĕ. Çак обществăра мăйракаллă шултра выльăх хушшинче выльăх-чĕрлĕхе тата çынна ерекен чир сарăлнине тупса палăртнă. 2010 çулта çакна пула январь-февраль уйăхĕсенче 1-2 уйăхри 9 пăру вилнĕ. Ветеринари законодательствине пăснăран должноçри пĕр çынна административлă явап тыттарма явăçтарнă.