Публикации » Савăнма нумаях та кирлĕ мар

18 января 2011 г.

Çĕр çинче пурăннă чух çынна савăнма нумаях та кирлĕ мар. Тивĕçлĕ канăва тухнă хыççăн пушшех те. Манăн кун-çул ĕмĕр тăршшĕпех ачасемпе çыхăннă. 35 çул педагогика ĕçĕнче тăрăшнă май, вĕсене тĕрĕс воспитани парасси манăн ĕçри чи малти вырăнта пулнă. 1945 çулта педагогика училищинчен вĕренсе тухнă хыççăн Ыхраçырма ялĕнчи пуçламăш шкулта ĕçлеме пуçларăм та мĕн тивĕçлĕ канăва тухичченех тăрăшрăм. Халĕ 85 çул тултартăм. Çак кун маншăн чăннипех те асра юлмалăх пулчĕ, мĕншĕн тесен хам вĕрентнĕ ачасем, пĕрле ĕçленĕ учительсем килсе саламларĕç, сăвăсем каларĕç, юрларĕç. Райадминистрацин вĕрентÿпе çамрăксен политикин пайĕпе районти вĕрентÿ работникĕсен профсоюз комитечĕ Тав Çырăвĕ парса хавхалантарчĕç.