14 января 2011 г.
Ял хуçалăхне аталантарасси чылай чухне патшалăх пулăшу кÿнинчен те килет.
Иртнĕ çул çанталăк çуллахи вăхăтра шăрăх тăнине пула выльăх апачĕ хатĕрлесси çăмăл пулмарĕ. Уйрăм кил, çавăн пекех хресчен (фермер) хуçалăхĕсем йывăрлăхсем тÿсрĕç тесен те йăнăш пулмĕ. Хăшĕ-пĕрисен умне мăйракаллă шултра выльăхсен йышне чакарас ыйту та тухса тăчĕ темелле. Çавна май ял хуçалăх таварĕсем туса кăларакансене пулăшса Чăваш Республикин Правительстви выльăх-чĕрлĕх апачĕ туянма укçа-тенкĕ уйăрнă. Унпа килĕшÿллĕн 2011 çулхи январĕн 1-мĕшĕ тĕлне ĕнесен йышне сыхласа хăварма пултарнă уйрăм кил хуçалăхĕсене - 1000 тата ял хуçалăх таварĕсем туса кăларакансене 1500 тенкĕ субсидилеме палăртнă. Ăна илес тесен килте ĕне усракансен вырăнти ял тăрăхне çак документсене тăратмалла: вырăнти ял тăрăхне пырса заявлени çырмалла (унăн бланкĕ вырăнти ял тăрăхĕнчех пур), хăвăрпа пĕрле паспорт, ИНН, перекет кĕнеки пулмалла.