19 ноября 2010 г.
Нумай кĕтрĕç поселокри Ленин урамĕнчи 33-мĕш тата Чапаев тăкăрлăкĕнчи 1-мĕш çуртра пурăнакансем хăйсен хваттерĕсене шыв çитессе. Çав-çавах кĕтсе илчĕç. Канализаци чавса шыв пăрăхĕсем хурса çак çуртсенче пурăнакансене шывпа тивĕçтерес ĕçе районти организацие шанса пачĕç. Çак организацие Юрий Григорьевич Иванов ертсе пырать. Хăйĕн тивĕçĕсене нумай пулмасть кăна пуçăннă пулсан та, пур кăмăлтан пурнăçлать, организацилле ĕçсене пуçаруллă ертсе пырать. Юрий Григорьевичăн иккĕмĕш алли вара, унăн пулăшуçи - организацийĕн тĕп инженерĕ Николай Ефимович Никитин. Пурин те тÿсĕмлĕх те çитес çук пулĕ пĕр ĕçре пĕтĕм чунне парса тăрăшма, çĕнĕлĕхсене йышăнса йывăрлăхсенчен хăрамасăр ĕçлеме. Николай Ефимович вара пĕр улшăнмасăр хăй вырăнĕнче тăракан часовой евĕр, хăй ĕçĕн чăн-чăн мухтавĕ, савăнăçĕ. Рабочисемпе пĕрле кĕреçе тытса ĕçе пурнăçлать, вĕсен, уйрăмах çамрăксен, кăмăлне çĕклеме пĕлет. Коллективра та Н.Никитин авторитет. Нумай калаçмасть вăл, сăпайлă, кирек епле ĕç участокĕнче те çитĕнÿ тума вăй-хал çитерет. Хăйне мухтанине хирĕç: «Ку манăн ĕç, эпĕ çакăншăн яваплă». Хамăн ĕçпе çынсене савăнăç кÿни маншăн парнерен те паха. Уяв та уяв мар МУП УР «Урмарыводхоз» рабочийĕсемшĕн, канмалли кунсене пăхмасăр тăрăшрĕç Ленин урамĕнче вĕсем: Г.Аваков (экскаваторщик), В.Меркурьев, Б.Муланов (экскаваторщик), А.Сергеев, С.Ларионов, И.Исаев (тракторист), В.Пучков рабочисем.
Ленин урамĕнчи 33 тата Чапаев тăкăрлăкĕнчи 1-мĕш номерлĕ çуртсенче пурăнакансенчен сире пурне те пысăк тав шыв кĕртес ĕçре тăрăшнăшăн.