12 ноября 2010 г.
Тăван çĕршывăн аслă вăрçи вĕçленнĕренпе 65 çул иртрĕ пулин те ун ахрăмĕ паянхи кун та асран тухмасть. Паттăр салтак-ентешсене чысласа çак шкулта ятарласа тăван ен музейĕ йĕркеленĕ. Ăна Маргарита Вячеславовна Краснова йĕркелесе пырать. Вăл тĕрлĕ классенчи ачасене музей ĕçĕ-хĕлне явăçтарать, ветеран-салтаксемпе тĕл пулусем йĕркелет. Хальхи вăхăтра асăннă ялта Тăван çĕршывăн аслă вăрçин пĕр участникĕ, тыл ĕçченĕсем - 24, вăрçă хыççăн вилнĕ паттăр салтак арăмĕсем 8 пурăнаççĕ. Вĕсенчен пĕринпе, вăрçă участникĕпе Николай Иванович Красновпа, шкул ачисем тĕл пулу ирттернĕ.
Музейра çавăн пекех паллă ентеше, Чăваш халăх писательне В.Алендее халалласа ятарлă стендсем йĕркеленĕ.