12 ноября 2010 г.
Кашни шкултах пур предметсемпе ăнăçлă вĕренсе пыракан, спортпа туслă çыхăну тытакан, тĕрлĕ мероприятисенче активлăхпа палăракан вĕренекенсем пур. Кĕтеснерти пĕтĕмĕшле пĕлÿ паракан тĕп шкулта та кун пек ачасем сахал мар. Акă вĕсем: Н.Захарова, М.Викторова, К.Владимирова. Çак пултаруллă хĕрачасем лайăх вĕренме, тĕрлĕ конкурссене, шкул тулашĕнчи мероприятисене хутшăнма ĕлкĕреççĕ.
Шкул ачисен ăс-хакăлне аталантарма кунта тĕрлĕ кружоксем ĕçлеççĕ. «Инфознайка», «Музей тата ачасем», «Асамлă театр тĕнчи», «Туристсем» тата ытти тĕрлĕ кружоксене ачасем пур кăмăлтан çÿреççĕ.