03 ноября 2010 г.
Кăçал Раççейри суд приставĕсен служби ноябрĕн 1-мĕшĕнче 145 çулне паллă турĕ. 12 çул каялла «Суд приставĕсем» Федераллă саккун йышăннă хыççăн Чăваш Енре, Пĕтĕм Раççейре те çĕнĕ служба подразделенийĕсене йĕркелемелли ĕç пуçланнă.
12 çул каялла йăлт çĕнĕрен тума тивнĕ - ĕçлемелли пÿлĕм, транспорчĕ, оргтехники, кадрĕсем те пулман. Суд приставĕсен Вăрмар районĕнчи уйрăмĕн пĕрремĕш аслă суд приставĕ И.Жандарова пулнă. Юлашки виçĕ çул хушши вара юстицин 3-мĕш класлă советникĕ Д.Игнатьев тăрăшать çак должноçре.
Районти суд приставĕсен коллективĕ питĕ туслă, çирĕп. Суд йышăнăвĕсене пурнăçлассипе М.Петрова, И.Ложкина, Л.Матросова, С.Пантелеймонова, А.Никитин приставсем ĕçлеççĕ. Е.Михайлова 3-мĕш разрядлă аслă специалист вĕсене активлă пулăшать.
Суд приставĕсен ĕçĕ оперативлă пултăр тесе тăрăшать хут ĕçĕсем тăвакан-инспектор пулса ĕçлекен В.Васильева. Судри йĕркене А.Николаев, С.Степанов, А.Малинков, В.Иванов суд приставĕсем тимлеççĕ. 4 çул ĕнтĕ Ю.Сотников опытлă водитель кирек епле çанталăкра та суд приставĕсене кирлĕ çĕре илсе çитерет.