АУ «РЕДАКЦИЯ УРМАРСКОЙ РАЙОННОЙ ГАЗЕТЫ "ХĔРЛĔ ЯЛАВ" ("КРАСНОЕ ЗНАМЯ") МИНИНФОРМПОЛИТИКИ ЧУВАШИИОФИЦИАЛЬНЫЙ САЙТ

Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Пĕр тĕллевлĕ пулсан кăна ĕç ăнать

19 октября 2010 г.

Октябрĕн 10-мĕшĕнче вырăнти хăй тытăмлăх органĕсен суйлавĕ иртрĕ. Районти халăх пĕр шухăшлă пулса ĕçлеме пултаракан тивĕçлĕ кандидатсенчен район, хула, ял тăрăхĕсен депутачĕсен Пухăвĕсен депутачĕсене, ял тăрăхĕсенчи хăй тытăмлăх пуçлăхĕсене суйларĕç. Çак суйлава республикăри суйлавçăсен 38 проценчĕ хутшăннă пулсан, пирĕн районти кăтартусем чылай пысăкрах: 21 пин те 546 суйлавçăран урнăсем патне 10 пин те 748-шĕ пынă. Ку 49,88 процентпа танлашать. Эппин, районта пурăнакансем вырăнти хăй тытăмлăх органĕсене шанаççĕ, хăйсен сассине парсан пурнăç лайăх еннелле улшăнасса ĕненеççĕ. Тĕрлĕ шайри депутатсен Пухăвĕн депутачĕсем, ял тăрăхĕсен пуçлăхĕсем пулма суйланнисем те çакна тĕрĕсех ăнланаççĕ пулĕ тетĕп. Сăлтавĕ те уçăмлă - яваплă должноçсене, пĕтĕмĕшле каласан, «Единая Россия» политика партийĕн членĕсемпе ăна майлисем йышăнчĕç. Ку парти вара, çакăнпа пурте килĕшеççĕ пулĕ, çĕршывра чи пĕлтерĕшлĕ вырăн йышăнать, халăх пурнăçне лайăх еннелле улăштарас тесе курăмлă ĕçсем туса ирттерет. Пирĕн район ăслă-тăнлă, пултаруллă, йывăрлăхсем умĕнче пуçа усман ĕçчен çынсемпе пуян. Малалла пирĕн пĕр-пĕринпе килĕштерсе вăй хумалла. Кашни ĕç вырăнĕсенче йĕрке пултăр тесе тăрăшмалла, пĕр тĕллевлĕ, малашлăха курса, район бюджетне тухăçлă тăвассишĕн çине тăрса вăй хумалла. Пирĕн тĕллев - районти суйлавçăсен пурнăçне лайăхлатасси пулмалла, ĕçсĕррисене ĕçпе тивĕçтермелле, социаллă хÿтлĕх кирлисене пулăшмалла. Чи кирли - ĕç дисциплинине ÿстермелле, яваплă çынсен харпăр хăйĕнчен тивĕçлипе ыйтма вĕренмелле. Çапла пулсан кăна эпир йывăрлăхсене çĕнтерме тата «Единая Россия» партин сентябрь уйăхĕнче Чулхулара иртнĕ регионсенчи уйрăмĕсен конференцийĕнче палăртнă тĕллевсене районта пурнăçлама пултарăпăр. Ăна пурнăçлама пирĕн йыш çитет. «Единая Россия» партин ретĕнче тăракансен йышĕ çулсеренех ÿссе пырать. Нумаях пулмасть иртнĕ суйлавра та район депутачĕсен Пухăвĕн депутачĕсенчен тата ял тăрăхĕсен пуçлăхĕсенчен ытларах пайĕ «Единая Россия» парти членĕсем тата çак парти майлисем пулчĕç.

Хисеплĕ суйлавçăсем! Эпир сирĕн шанăçа тÿрре кăларассишĕн, районăн социаллă - экономикăллă аталанăвĕшĕн çине тăрса ĕçлĕпĕр, çавна май сирĕн енчен ырă сĕнÿсемпе канашсем пуласса шансах тăратпăр. Пирĕн ĕç малалла та район халăхĕшĕн пулĕ.

Мой МирВКонтактеОдноклассники

Яндекс.Метрика

 

Система управления контентом
TopList Сводная статистика портала Яндекс.Метрика