19 октября 2010 г.
Вăхăт малаллах шăвать. Тинтерех кăна-ха вĕсем халăхăн йăла ыйтăвĕсене тивĕçтерекен комбинатра ĕçлетчĕç. Кам парикмахерта, хăшĕ çĕвĕçре вăй хуратчĕç. Кашнин ĕç стажĕ 15-35 çулпа танлашать. Халĕ вĕсем тивĕçлĕ канура. Ваттисен кунĕ ячĕпе комбинат дирекцийĕ вĕсене тĕл пулăва йыхравларĕ. Тивĕçлĕ канăва тухнă В.Иванова, М.Черемисова, Л.Васильева, А.Федорова, А.Дмитриева, П.Силерова ырă хыпара хаваспах йышăнчĕç. Палăртнă вăхăт тĕлне вĕсем хăйсем малтан ĕçленĕ вырăнпа паллашрĕç, вĕсен пархатарлă ĕçне малалла тăсакансемпе курса калаçрĕç. Уяв ячĕпе вĕсене халăхăн йăла ыйтăвĕсене тивĕçтерекен комбинат (КБО) директорĕ Ю.Кашмаков ăшшăн саламларĕ, çирĕп сывлăх сунчĕ, вĕсем валли уяв сĕтелĕ йĕркелерĕ. Тĕл пулăва хутшăннисем хăйсене хисеп тунăшăн питех те савăнчĕç, килĕсене тулли кăмăлпа саланчĕç.