Публикации » Çамрăкра – пуласлăх

15 октября 2010 г.

Çĕнĕ шкул специалистсене те илĕртет, кашни вĕренÿ çулĕнчех çамрăк вĕрентекенсемпе пуянланса пырать ял шкулĕ.

Светлана Николаевна Димитриева Пысăк Енккассинчи вăтам шкулта иккĕмĕш çул вырăс чĕлхипе литературине вĕрентет. Чăваш Патшалăх университечĕн филологи факультетне хĕрлĕ дипломпа вĕренсе пĕтернĕ. Ăслă-тăнлă çамрăка университетрах аспирантурăра юлма та ÿкĕтленĕ преподавательсем. Светланăна вара ачасене вĕрентесси ытларах илĕртнĕ. Вăрмар поселокĕнче çуралса ÿснĕскер Пысăк Енккассине уроксем ирттерме çÿрет. Ачасен умĕнче пысăк яваплăх туять Светлана Николаевна. Кашни уроках питĕ тĕплĕн хатĕрленсе килет, ачасене яланах çĕннипе интереслентерме тăрăшать. 5-мĕш класс руководителĕ те вăл. Çамрăк учителе ачасем те урăхларах йышăнаççĕ пулĕ. Яланах вăхăт çитмест ăна. Тата та ытларах туса ĕлкĕрес килет унăн. Иртнĕ вĕренÿ çулĕнче Светлана Николавнан вĕренекенĕ республика шайĕнче иртнĕ олимпиадăра 3-мĕш вырăн йышăннă. Пĕтĕм чунне парса ĕçлет çамрăк специалист ачасемпе.