Публикации » Республика Кубокĕшĕн

28 сентября 2010 г.

Велосипедпа чупса республика Кубокне çĕнсе илессишĕн пĕрремĕш тапхăрти ăмăртăвĕсем пирĕн районти Ара çырминче иртнĕ. Унта Шупашкар, Çĕнĕ Шупашкар хулисен, Патăрьел тата пирĕн районти чи пултаруллă спортсменсем, пурĕ 70 яхăн велосипедист хутшăннă. 10 ушкăнра тупăшнă. 1999-2000 çулсенчи хĕр ачасенчен М.Чубукова (Çиçтĕпе) чи пултарулли пулнă, пĕрремĕш вырăн йышăннă. Çак ушкăнри арçын ачасенчен М.Степанов (Вăрмар поселокĕ) иккĕмĕш вырăна тухнă. 1995-1996 çулсенче çуралнă арçын ачасем хушшинче Шупашкарта Олимп резервĕсен училищинче вĕренекен Н.Иванов (Пинер) çĕнтернĕ. В.Михайловпа В.Чубуков лайăх результатсем кăтартнă. 1993-1994 çулсенчи хĕр ачасенчен Шупашкарти Олимп резервĕсен училищинче ăс пухакан М.Семенова (Вăрмар поселокĕ) иккĕмĕш вырăна тухнă. Арçын ачасенчен Шупашкарта Олимп резервĕсен училищинче ăс пухакан М.Семенова (Вăрмар поселокĕ) иккĕмĕш вырăна тухнă. Арçын ачасенчен Шупашкарта Олимп резервĕсен училищинче вĕренекен А.Терентьев (Кавал) чемпион ятне тивĕçнĕ. 1992 çулта çуралнă тата унтан та аслăрах арçын ачасенчен А.Мельков (Кивĕ Вĕренер) чи пултарулли пулнă, пуринчен те выляса илнĕ.