Публикации » Çĕр улми япăх упранать

14 сентября 2010 г.

Çулла питĕ шăрăх пулнăран паранкă типĕ çĕрĕкпе чирлес хăрушлăх пысăк. Çĕр улми тепĕр хут шăтма пуçларĕ, çакă килти вăрлăха сайра хутра кăна улăштарнипе те çыхăннă. Çавăнпа та ăна кăларнă хыççăнах сивĕ нÿхрепе антармалла. Вăрлăха хуракан çĕр улмине çĕресрен çÿхе сийпе хумалла. Нÿхрепе кÿкĕрт шашкипе (серная шашка) тĕтĕмлемелле: хуриччен тата хыççăн. Çуркунне çĕр улми лартма ăна ытти регионтан (Кемĕр, Çĕпĕр, Мускав облаçĕсенчен, Санкт-Петербург тăрăхĕнчен тата Беларуç Республикинчен) кÿрсе килме тивет пулĕ, - тет Раççей ял хуçалăх центрĕн Чăваш Енри филиалĕн ÿсентăран сыхлакан пай пуçлăхĕ Е.Соколова. - Мĕншĕн тесен кăçалхи паранкă вăрлăх валли япăх.