10 сентября 2010 г.
Иртнĕ юн кун Вăрмарти культурăпа кану центрĕнче культура работникĕсен семинар-канашлăвĕ иртнĕ. Райадминистрацин пуçлăхĕ К.Никитин райадминистрацин культура тата архив ĕçĕсен çĕнĕ начальникĕпе И.Дмитриевăпа паллаштарнă. И.Дмитриева 2010-2011 çулсенче культура учрежденийĕсем мĕнлерех ĕçлесе пымаллин планĕпе паллаштарнă.
Çавăн пекех семинарта райадминистрацин вĕрентÿпе çамрăксен политикин пайĕн пуçлăхĕ Ю.Соколов, райадминистрацин организаципе контроль ĕçĕсен пайĕн начальникĕ Н.Павлов тĕрлĕрен ыйтусемпе тухса калаçнă.
Вăрмарти культурăпа кану центрĕн художествăлла пултарулăх ертÿçи Г.Васильев сентябрĕн 16-мĕшĕнче поселокри тĕп площадьре «Выля, хуткупăс, янăра, такмак!» фестиваль ирттерессине пĕлтернĕ.
Аслă Чакри культура çурчĕн аккомпаниаторне Г.Матвеевăна, «Парне» ансамблĕн руководительне Л.Волостновăна «ЧР музыка обществин тава тивĕçлĕ ĕçченĕ» ят панине çирĕплетекен удостоверенисем панă.