27 августа 2010 г.
Вăрмар районĕнче суйлав кампанийĕ вăй илсех пырать. Вăрмар хула, ял тăрăхĕсенче кăçалхи октябрĕн 10-мĕшĕнче тĕрлĕ шайри влаç тытăмĕсенче суйлав ирттерме хатĕр. Районĕпе пурĕ 21524 суйлавçă шутланса тăрать. Аса илтеретпĕр, кăçалхи суйлавра район депутачĕсен Пухăвĕн тата Вăрмар хула, ял тăрăхĕсен депутачĕсене, ял тăрăхĕн пуçлăхĕсене суйлаççĕ. Августăн 23-мĕшĕ тĕлне 230 кандидата регистрациленĕ. Вĕсен шутĕнче ял пуçлăхĕсене суйланма - 27, район депутачĕсен мандатне илме - 23, ял тăрăхĕсен депутачĕсем пулма 180 çын хăйсен кандидатурине е ăна суйлава хутшăнакан парти тăратнă. (Партисен списокне «Хĕрлĕ ялав» хаçатăн июлĕн 30-мĕшĕнче тухнă номерте пичетленĕ). Октябрĕн 10-мĕшĕнче иртекен суйлавра Вăрмар район администрацийĕн тата Вăрмар хула тăрăхĕн пуçлăхĕсене суйламаççĕ. Вĕсен ĕçĕ-хĕлĕ контрактпа пулса пырать.
Кандидатсене тăратас ĕç августăн 30-мĕшĕчченех пырать. Регистраци докуменчĕсене Вăрмар территори суйлав комиссийĕ кашни кунах 9 сехетрен пуçласа 18 сехетчен, шăмат кун 9-12 сехетчен йышăнать. Суйлав комиссийĕ Вăрмар район администрацийĕн çуртĕнче, 104 пÿлĕмре вырнаçнă.
Ыйтса пĕлмелли телефон: 2-15-59.