24 августа 2010 г.
«Арабоси» агрофирмăри Аслă Чак уйрăмĕнчи механизаторсемпе уй-хир ĕçченĕсем выльăх апачĕ ытлă-çитлĕ хатĕрлессипе кăçал уйрăмах хастарлăх кăтартрĕç тесен те йăнăш пулмĕ. Çакна нумай çул тата пĕр çул ÿсекен курăксене кĕске вăхăтра çулса пухни те лайăх çирĕплетсе парать.
- Халĕ мĕн пур ĕç вăйĕ улăма тюклас, кĕрхи тырăсене акма çĕр хатĕрлес çĕре куçрĕ: П.Семеновпа А.Васильев трактористсем улăма пĕр çĕре пухас, преспа пуçтарса тирпейлес ĕçре тăрăшулăх кăтартаççĕ. Ю.Расколов водитель КамАЗпа пресланă улăма ферма çывăхне турттарать. Унсăр пуçне 69 гектар çинче нумай çул ÿсекен козлятник курăкне вĕтетсе Арапуçĕнчи ĕне фермине леçетпĕр. Кашни кунах курăк уйĕнче О.Иванов GLAAS-840 агрегата тухăçлă ĕçлеттерет. Çулса вĕтетнĕ ешĕл массăна В.Иванов водитель автомашинăпа турттарса тăрать», - тет «Арабоси» агрофирмăн Аслă Чак уйрăмĕн управляющийĕ В.Иванов.
Кĕскен: «Арабоси» агрофирма райадминистрацин ял хуçалăхĕпе экологи тата çĕрпе пурлăх пайне панă кăтартусем тăрăх, пурĕ 5000 центнер утă, 5000 центнер сенаж хатĕрленĕ.