Публикации » Футбол чемпионачĕ

20 августа 2010 г.

Республикăри футбол чемпионатĕнче «Б» ушкăнра пирĕн футболистсем (капитанĕ А.Краснов), 16 очко пухса халĕ виççĕмĕш вырăнта пыраççĕ. Августăн 21-мĕшĕнче вĕсем Вăрмар поселокĕнчи стадионта Куславккари «Витязь» командăпа тĕл пулса выляççĕ.

• Хальхи вăхăтра районта футболла выляса мала тухассишĕн ирттерекен чемпионат малалла пырать. Унта пурĕ 9 команда хутшăнать. Çав шутран Вăрмар поселокĕнчен виçĕ команда: «Вăрмар» футбол клубĕ, ветерансен тата ачасемпе çамрăксен А.Федоров ячĕллĕ спорт шкулĕн командисем. Хальлĕхе «Вăрмар» футбол команди (тренерĕ А.Краснов) малта пырать. Кивĕ Вăрмар, Энĕшпуç, Арапуç ял тăрăхĕсен командисем те (тренерĕсем А.Павлов, О.Иванов, Е.Петров) лайăххисен шутĕнче.

• Пекинри Олимпиадăра бронза медале тивĕçнĕ И.Калентьевăн тăван ялĕ, Патăрьел районĕнчи Нăрваш Шăхаль, çĕршывăн тĕрлĕ кĕтесĕсенчен килнĕ спортсменсене кĕтсе илнĕ. Велосипедпа чупас енĕпе пирĕн районти Н.Мясников лайăх кăтартупа савăнтарнă, Д.Яковлев результачĕ те япăх мар.