Публикации » Рабочисем çула тухнă

20 августа 2010 г.

Çул-йĕрĕн Вăрмарти юсавпа строительство управленийĕн коллективĕшĕн çулла та, хĕлле те яланах хĕрÿ тапхăр. Çанталăк шăрăх тăнине пăхмасăрах çул çинче ĕçленине курма пулать вĕсене. Акă халĕ те «Вăрмар - Хĕрлĕçыр» маршрутпа çула тухнă рабочисем. В.Муллин бригадир ертсе пынипе Тикаш - Мăнçырма çулĕ çинчи путăк-шăтăксене В.Илларионовпа А.Артемьев БЦМ технологи установкипе сапласа тикĕслеççĕ. Пĕр тăван Сергейпе Николай Муллинсем çул хĕрринчи курăка косилкăсемпе çулса тасатаççĕ. А.Степанов, О.Иванов, Владимирпа Вячеслав Петровсем тата ытти рабочисем Сăхăт юхан шывĕ урлă хывнă кĕпере сăрласа йĕркене кĕртеççĕ. Çул çинче тăрăшакансене автобус водителĕ А.Александров турттарса çÿрет, палăртнă вырăна вăхăтра илсе çитерет.