Публикации » Çут çанталăк: килĕшÿ е хирĕçÿ

17 августа 2010 г.

Май уйăхĕн вĕçĕнченех чи çивĕч ыйтусенчен пĕри пушар хăрушсăрлăхĕн теми пулса тăрать. Вăрмарти тĕп библиотекăра ĕçлекенсем кунта килсе çÿрекен йышлă вулакансем валли çак кунсенче «Çын тата çут çанталăк: килĕшÿ е хирĕçÿ» кĕнекесен куравне йĕркеленĕ. Тăватă пайран тăрать вăл - «Агропромышленность комплексĕн инновациллĕ аталанăвĕ», «2010 çулхи тыр-пул», «Хальччен пулман шăрăх çанталăк», «Шута илĕр! Чрезвычайлă лару-тăру - пушарсем». Кунта тăратнă тĕрлĕ литературăсăр пуçне библиотека ĕçченĕсем «Таврара вăрмансем çуннине пула тĕтĕм-сĕрĕм сарăлнă вăхăтра хамăра мĕнле тытмалла», «Пушар тухсассăн мĕн тумалла», «Шăрăхран сыхланмалли 10 йĕрке» буклетсем хатĕрленĕ. Вĕсене хатĕрлекенĕсем - методика пайĕпе информаци центрĕн заведующийĕсем Т.Федорова тата С.Щербакова.