Публикации » Район администрацийĕн пуçлăхĕ - Кивĕ Вăрмарта

17 августа 2010 г.

«Урмарская» ăратлă кайăк-кĕшĕк фабрики» акционерсен уçă обществи районта йĕркеллĕ ĕçлесе пыракан хуçалăхсенчен пĕри. Пĕрчĕллĕ тата пăрçа йышши культурăсене вĕсем 1992 гектар çинче акса хăварнă пулнă. Анчах та кăçалхи çанталăкăн йывăр условийĕсене пула - хĕвел ытла та çунтарнипе - 1037 гектарĕ тип шар курчĕ. Юлнă 955 гектарĕ çинчен вара 1237 тонна тĕш тырă пухса кĕртнĕ. Малтанлăха палăртнă тăрăх пĕр гектартан 13,4 центнер тухнă.

Иртнĕ кунсенче райадминистрацин пуçлăхĕ К.Никитин çак хуçалăха çитсе курнă. Малтанах хуçалăх пуçлăхĕпе Н.Петровпа тĕл пулса кунти социаллă пурнăçпа экономика аталанăвĕпе паллашнă. Йĕтем çине çитсе курса кунта ĕçлекенсемпе тĕл пулса ĕçлĕ тĕл пулу ирттернĕ.