Публикации » Çамрăксене пулăшса

10 августа 2010 г.

Республикăра федерацин 2002-2010 çулсем валли хатĕрленĕ «Çурт-йĕр» тĕллевлĕ программин «Çамрăк çемьесене çурт-йĕрпе тивĕçтересси» çум программи ăнăçлă пурнăçланать. 2008 çултанпа Чăваш Енре республикăн «2002-2015» çулсенче çамрăк çемьесене çурт-йĕр ыйтăвне татса пама патшалăх пулăшăвĕпе тивĕçтересси» программи çĕнĕрен вăй илчĕ.

«Чăваш Республикинчи çамрăк çемьесене паракан патшалăх пулăшăвĕн мерисене вăйлатасси çинчен» Указа улшăнусем кĕртни çурт-йĕр туянас ыйтăва анлăлатать, патшалăх хÿтлĕхĕн тытăмне вăйлатать. Çапла вара çамрăк çемьесем çурт-йĕр условийĕсене лайăхлатма кредитлă мар организацисен займне илме пултараççĕ. Çав укçа-тенкĕпе усă курнăшăн процент тÿлемелли тăкаксене саплаштарма май килет. Документра кредитпа пĕр тикĕс татса пымалли условисене кăтартман. Мĕншĕн тесен хăшĕ-пĕри кредита маларах е укçа пур тăк уйăхра хывмалли виçерен чылай ытларах тÿлет.