03 августа 2010 г.
Хĕрлĕçырти «Н.Тихонов» хресчен(фермер) хуçалăхĕнче ĕççи хĕрсех пырать. Сăхăт юхан шыв хĕрринчи участокра В.Черкасов комбайнерпа унăн помощникĕ С.Сергеев хĕрсех урпа выраççĕ.
– Çанталăк шăрăх тăнине пула кăçал тухăç чаплах пулмарĕ. Эпир çитĕнтернĕ тыр-пула пĕр тăкаксăр пухса кĕртессишĕн мĕн-пур вăй-хала паратпăр. Ирхине ирех уя тухатпăр та сĕм çĕрлечченех уйра, – пĕлтерет Владимир Алексеевич комбайнер. 1967 çулта вăл Етĕрнери профтехучилищĕрен вĕренсе тухнă. Çавăнтанпах механизаторта вăй хурать.
Районти комбайнерсем хушшинчи ăмăртура пĕрре кăна мар мала тухнă. «Вун пĕрмĕш тата вун иккĕмĕш пилĕкçуллăх ударникĕ» знаксене тивĕçнĕ. 1992 çулта кăларнă «СК-5-Нива» комбайна тухăçлă ĕçлеттерет. А.Тихонов водитель комбайн çинчен бункера тулнă тырра йĕтеме вăхăтра турттарса тăрать. А.Петров, В.Васильев, В.Черкасов рабочисем йĕтем çинче тырра склада кĕртнĕ çĕрте тăрăшулăх кăтартаççĕ.