23 июля 2010 г.
Çуллахи каникулта ачасен канăвне усăллă йĕркелес тĕллевпе кашни çулах кунта ĕçпе кану лагерĕ йĕркелеççĕ. Унта ачасем шкул пахчинче вăй хунисĕр пуçне усăллă канма та пĕлеççĕ. Тĕрлĕ вăйăсем, конкурссем, викторинăсем, экскурсисем йĕркелеççĕ вĕсемпе кунти вĕрентекенсем. Шкул ачисем кашни çулах производство практикине те активлă çÿреççĕ. Кунта пурĕ 3 смена йĕркеленĕ, 54 ача çÿрет. Хальхи вăхăтра асăннă шкулта пиллĕкмĕш, улттăмĕш, çиччĕмĕш класра вĕренекенсем купăста анине çумлаççĕ, пахча çимĕç шăвараççĕ.