Публикации » Кашнин хăйĕн ĕçĕ

20 июля 2010 г.

Республикăри кăнтăр енчи районсенче вырмана тухма та ĕлкĕрнĕ. Кĕçех ку ĕçе пирĕн районта та тытăнаççĕ. Çанталăк шăрăх тăнине пула тĕш тырăпа пăрçа йышши культурăсем халичченхипе танлаштарсан начартарах çитĕннĕ, апла пулсан тухăçĕ те чаплах пулмĕ. Апла-и, капла-и - тĕш тырăн тасалăхĕ те, вăрлăх кондицийĕ те ГОСТ требованийĕсемпе килĕшÿллĕн пулса пымаллине палăртаççĕ «Раççей ял хуçалăх центрĕ» федераци патшалăх учрежденийĕн Чăваш Енри филиалĕн Вăрмарти уйрăмĕнче ĕçлекенсем. Вĕсем каланă тăрăх, кĕрхи культурăсен чи лайăх лаптăкĕсенче вăрлăх хатĕрлемелле, иртерех акнă çуртрисене чир-чĕрпе хурт-кăпшанкăран хÿтĕлемелле, каярах акнисене çулса сенаж хывмалла. Хальхи вăхăтра кунти специалистсем районти кашни хуçалăхпа килĕшÿ туса тыр-пул ани çинче вăрлăх тасалăхне тĕрĕслеме тĕслĕхсем илеççĕ (апробаци тăваççĕ). Вĕсен тĕллевĕ - вăрлăхлăх сортсем таса та кондициллĕ пулччăр тесе тăрăшасси.