02 июля 2010 г.
Лайăх ĕçлекенсене, хăйсен кун-çулне потребкоопераципе çыхăнтарнă çынсене Вăрмар райповĕнче тивĕçлипе хисеплеççĕ. Ветерансемпе уйрăмах тимлĕ, çыхăнăва татмаççĕ, уявра та, ахаль кунсенче те вĕсене хавас. Аслисен опычĕ, вăхăтра каланă сăмахĕ çамрăксене ĕçре пулăшнине кунта аван ăнланаççĕ.
Потербкоопераци системинче чылай çул ĕçлесе пысăк ÿсĕмсем тунăшăн А.Ларионова тĕп экономиста, З.Степанова склад заведующине «Раççей потребкооперацийĕн хисеплĕ ветеранĕ» ята панă. Çавăн пекех «Чăваш Республикин потребкооперацийĕн хисеплĕ ветеранĕ» ята Энĕшпуçĕнчи лавкка заведующийĕ А.Алексеева, кадрсем енĕпе ĕçлекен инспектор Н.Гарелкина, «Обществăлла апатлану предприятийĕ» тулли мар яваплă обществăра специалист пулса тăрăшакан Н.Петров тивĕçнĕ. Райпон Чулкасри лавкка заведующине П.Илларионовăна Чăвашпотребсоюзăн Хисеп хăми çине кĕртнĕ. Райпо системинче тăрăшса вăй хуракансенчен чылайăшĕ РФ тата Чăвашпотребсоюзăн Хисеп грамотисене, Тав çырăвĕсене, юбилей знакĕсене тивĕçнĕ.