Публикации » Машина яка çула килĕштерет

02 июля 2010 г.

Чăваш Енре çул-йĕр комплексне аталантарас ĕçре пысăк тĕллевсем лартаççĕ. Аякри ялсем патне çитме асфальтлă çул сарасси те вĕçленсе пырать. Июнь пуçламăшĕнче Вăрмар районĕнчи Хĕрлĕçыр ялĕнчи çула çĕнĕ автобус маршручĕ уçма майларĕç. Халĕ Тикашри çула йĕркелес ĕçсем пыраççĕ. Тикаш ялĕнче çул-йĕр юсас ĕçсене «В.Иванов» хресчен (фермер) хуçалăх коллективĕ пурнăçланă. В.Григорьев, В.Ширков, В.Максимов, В.Васильев Тикашри Чапаев урамне вак чул сарчĕç. Юсав ĕçĕсен хакне йÿнетес тĕллевпе кунти вырăнти вак чулпа усă курнă. Çак урамра пурăнакансем те çула юсама хăйсен ирĕкĕпе укçа-тенкĕ параççĕ.