02 июля 2010 г.
Республика Кунне тата Чăваш автономине туса хунăранпа 90 çул çитнине халалланă мероприятисене тĕнчери 20 çĕршывăн (дипломати корпусĕн тата бизнес пĕрлĕхĕн представителĕсем, Раççейĕн 61 регионĕн делегацийĕсем хутшăннă.
Бизнес тата влаç представителĕсемпе ĕçлĕ 100 ытла тĕл пулу ирттернĕ, экономика тĕлĕшĕнчен пысăк пĕлтерĕшлĕ мероприятисем иртнĕ. Шупашкарта «Раççей 2010-2020 кризис хыççăнхи управлени, экономикăн тытăм улшăнăвĕсен аталанăвĕ» III экономика форумĕ тухăçлă ĕçленĕ. Форум вăхăтĕнче 15 мероприяти ирттернĕ.
«Патшалăх - уйрăм çын ĕçтешлĕхĕ - Раççей пуласлăхĕ» конференцире Тулаш экономбанкăн Патшалăхпа уйрăм çын ĕçтешлĕхĕн центрĕпе Чăваш Республикинче 8,6 млрд тенкĕлĕх Типлă проектсен программине пĕрле пурнăçлас тĕлĕшпе ĕçлемелли протокола алă пусса çирĕплетесси çинчен килĕшсе татăлнă. Регионсен аталанăвĕн министерствипе ЧР Министрсен Кабинечĕ хушшинче Регионсен инвестици политикин сферинче çыхăну тытасси тата пĕрле ĕçлесси çинчен калакан килĕшĕве алă пуснă. Ăна пурнăçа кĕртни республикăна 25 млрд тенкĕ ытла инвестици кÿме май парать.
«Регионсем - пĕр-пĕринпе килĕштерсе ĕçлесси» XVII курава Раççейĕн 49 регионĕн тата чикĕ леш енчи 18 çĕршывăн представителĕсем хутшăннă. Форумăн экономика мероприятийĕсен кăтартăвĕсем тăрăх экономикăн тĕрлĕ отраслĕсене 80 млрд тенкĕ ытла инвестици килмелле. Канаш хулинче «Трактор завочĕсем» Концернăн «Промтрактор - Вакун» АХОра çĕнĕ йышши чукун çул вакунĕсем кăларас енĕпе сăнав-промышленноç производстви (9 млрд тенкĕ). Кунта 1,5 пин ĕç вырăнĕ пулĕ. Вăрмар станцийĕнче чукун çул вокзалĕ (83862,9 пин тенкĕ). Патшалăх тата муниципалитет пулăшăвĕ памалли нумай функциллĕ центр (патшалăхăн тата муниципалитетăн 100-е яхăн пулăшăвĕ, Республика Кунĕн уяв мероприятийĕсене республикăра пурăнакансемпе хăнасем 200 пин çын ытла хутшăннă. Республика Кунĕн мероприятийĕсене он-лайн режимпа влаç органĕсен Порталĕнче (cap.ru) тата Раççей информаци каналĕн эфирĕнче трансляциленĕ. Право йĕркине тивĕçтерес енĕпе право йĕркине сыхлакан 600 яхăн сотрудник ĕçленĕ. Малтанлăха хакланă тăрăх, 2010 çулта Республика Кунне ирттернĕ май Чăваш Республикин экономикин мĕн пур отраслĕнчи организацисемпе халăхăн экономика тĕлĕшĕнчи усси 90 млрд яхăн тенкĕпе танлашнă.