Публикации » Пулăшу илнĕ

18 июня 2010 г.

Кашни çулах районпа хулари çамрăк çемьесене пурăнмалли вырăна лайăхлатма свидетельствăсем параççĕ. Çамрăк çемьесене пурăнмалли çурт-йĕр тума е хваттер туянма иртнĕ çул патшалăхран пулăшу укçи илме республикипе 237 свидетельство панă. Вĕсенчен саккăрăшĕ пирĕн районтан. «Раççей гражданĕсене - хăтлă çурт-йĕр» приоритетлă наци проекчĕ пирĕн районта ăнăçлă пурнăçланса пырать. Ку енĕпе район администрацийĕ, ял тăрăхĕсем лайăх ĕçлесе пыраççĕ. «2012 çулчченхи ялсен социаллă аталанăвĕ» программăпа килĕшÿллĕн ялта пурăнакан тата ĕçлекен 3 граждана свидетельствăсем панă. Вĕсем Энĕшпуç, Чулкас ял тăрăхĕсенчен. Çавăн пекех ялта ĕçлесе, тĕпленсе пурăнакан çамрăк çемьесене те çурт-йĕр хăпартма социаллă пулăшу параççĕ. Акă кăçал 3 çемье (Вăрмар хула тăрăхĕнчен - 1, Кĕтеснертен -1, Кивĕ Вăрмартан 1 çемье) свидетельствăсем илчĕ.