18 июня 2010 г.
Çак кунсенче Кавалта, Чăрăшçырмара, Пинерте ял уявĕсем иртрĕç. Кавал ял тăрăхĕнче пурăнакансене уяв ячĕпе саламлама район администрацийĕн пуçлăхĕн ĕçĕсене пурнăçлаканĕ К.Никитин, «Урмарская» ăратлă кайăк-кĕшĕк фабрики» АУОн генеральнăй директорĕ Н.Петров, «Ресурсы» агрофирма руководителĕ С.Дмитриев саламлама килнĕ. Константин Владимирович педагогика ĕçĕн ветеранне Т.Ашмаринăна Тав хучĕ панă. Николай Петровичпа Сергей Леонидович ял хуçалăхĕн ĕçченĕсене Хисеп грамотисем, хаклă парнесем панă. Уява пуçтарăннă халăха «Янташ» эстрада ушкăнĕ савăнăçлă юрăсемпе савăнтарнă.
Чăрăшçырма - Кавал ял тăрăхне кĕрет. Мероприятие йĕркеленĕ тĕп организаторĕ А.Николаев пулнă. Уяв программине эстрада концерчĕ, культурăпа спорт мероприятийĕсем тултарнă.
Пинер ял халăхне саламлама вара райадминистрацин вĕрентÿпе çамрăксен политикин пайĕн пуçлăхĕ Ю.Соколов килнĕ. Культура çурчĕн художествăлла пултарулăх ушкăнĕн, Чăваш патшалăх филармони артисчĕсен концерчĕсем пурин кăмăлне те хăпартнă. Тĕрлĕ спорт ăмăртăвĕсем чи çаврăнăçуллисене палăртрĕç. Ачасене савăнтарма вара Шупашкартан аттракционсем илсе килнĕ. Уява хатĕрлеме пулăшнă спонсорсем çак ялта пурăнакан С.Петров, Н.Павлова, Ю.Михайлов, В.Табакова, Ю.Иванов, С.Петров пулнă.