Публикации » Пултаруллисене грамотăсемпе чысларĕç

11 июня 2010 г.

Ÿссе çитĕнекен ăрăва патриотизмла воспитани парас, милици, пушар хуралĕн сотрудникĕсен ĕçне пропагандăлас тĕллевпе çулсерен Вăрмарсен Шупашкарти ентешлĕхĕ, райадминистрацин вĕрентÿпе çамрăксен политикин пайĕ, «Хĕрлĕ ялав» хаçат редакцийĕ ирттерекен «Саккунпа йĕркелĕх хуралĕнче» пултарулăх конкурсне пĕтĕмлетни çинчен çырнăччĕ. Иртнĕ кунсенче вара хăйсен тивĕçĕсене пурнăçланă чухне пуçĕсене хунă милици сотрудникĕсене Вăрмар поселокĕнче асăнса лартнă палăк умĕнче çĕнтерÿçĕсене чысларĕç. Район администрацийĕн пуçлăхĕн ĕçĕсене пурнăçласа пыраканĕ К.Никитин, ентешлĕх активисчĕсем пур пултаруллă шкул ачине те Хисеп грамотисемпе чысларĕç, укçан парса хавхалантарчĕç.